Fæðingarorlofssjóður

Þeir sem fá greiddan fæðingarstyrk utan vinnumarkaðar eða í minna en 25% starfi greiða ekki í lífeyrissjóð og stéttarfélag?

Þeir sem fá greiddan fæðingarstyrk utan vinnumarkaðar eða í minna en 25% starfi hafa ekki möguleika á því að greiða í séreignarsjóð.

Þeir sem eru að fá greiðslur frá TR þurfa að tilkynna þeim hvenær ætlunin er að hefja töku fæðingarorlofs.

Nei, til að eiga rétt hér á landi þá þarftu að eiga lögheimili hér á landi við fæðingu barns og hafa átt það í 1 ár.  Ef þú átt lögheimili hér á landi við fæðingu barns en uppfyllir ekki lögheimili í 1 ár hér á landi þá þarftu að senda inn E104 vottorð sem staðfestir að þú hafir átt lögheimili á EES svæði. Maki útsends starfsmanns telst þó tryggður með honum þrátt fyrir að vera með lögheimili erlendis ef það er á EES-svæðinu.

Ef þú hefur eitthvað verið að vinna síðustu 6 mánuði fyrir áætlaðan fæðingardag þá þarf að senda inn tilkynningu vinnuveitanda um tilhögun fæðingarorlofs eða starfslokavottorð ef þú ert hætt/ur að vinna.

Já það þarf að senda inn skattkort fyrir 20. þess mánaðar sem greiðsla fer fram.

Þegar greiðslum er lokið verður skattkortið sent til baka á skráð heimilisfang.

Nei, þeir sem eru að fá greiddan fæðingarstyrk geta ekki skipt greiðslunum.  Fæðingarstyrk verður að taka samfellt og það má ekki þiggja greiðslur frá öðrum á meðan maður fær greiddan fæðingarstyrk.

Sé umsækjandi í innan við 25% starfshlutfalli telst hann vera utan vinnumarkaðar.  Einnig ef hann nær ekki 6 mánaða samfelldu starfi fyrir fæðingardag barns.

Þar sem allar greiðslur Fæðingarorlofssjóðs eru greiddar eftir á, þarftu að velja að byrja greiðslur, mánuði fyrr en þú áætlar að fá greiðsluna í hendur. Dæmi, ef þú ætlar að fá greiðslu um mánaðamótin september/október þarftu að hefja töku orlofs í september. Ekki er hægt að byrja töku fæðingarstyrks fyrr en í fæðingarmánuði barns.

Umsókn þarf að skila inn til Vinnumálastofnunar eða til Fæðingarorlofssjóðs á Hvammstanga í síðasta lagi þremur vikum fyrir áætlaðan fæðingardag.

Barn fætt fyrir 1. júní 2008: Þið þurfið að senda inn gögn frá sýslumanninum um að þið farið með sameiginlega forsjá.

Barn fætt eftir 1. júní 2008: Ef þið eruð ekki skráð í sambúð þá þarf forsjárforeldri barns að veita samþykki sitt fyrir fæðingarstyrk forsjárlauss foreldris. Einnig þarf að berast faðernisviðurkenning eða samningur um sameiginlega forsjá sem gerður er hjá sýslumanni.

Töku fæðingarstyrks má hefja í fæðingarmánuði barns eða seinna.

Upphæðir fæðingarorlofs og fæðingarstyrks

Nei, þær sem fá greiddan fæðingarstyrk eiga ekki rétt á lengingu.

Nei, greiðslur verða að leggjast inn á reikning og kennitölu umsækjanda.

Vottorð um áætlaðan fæðingardag er hægt að fá hjá ljósmóður.

Nei, allir launaseðlar eru sendir í heimabanka viðkomandi.

Móðir á rétt á þremur mánuðum og faðir á rétt á þremur mánuðum.  Auk þess eiga foreldrar sameiginlegan rétt, þ.e. þrír mánuðir til viðbótar sem annað foreldrið getur tekið í heild eða foreldrar skipt því með sér.

Réttur til fæðingarorlofs fellur niður er barnið nær 18 mánaða aldri.

Hægt er að senda umsóknir og önnur gögn með pósti, tölvupósti eða faxi.  Skattkort verður að berast með pósti þar sem við þurfum frumrit.

Barn fætt fyrir 1. júní 2008: Ef annað foreldranna andast áður en barn nær 18 mánaða aldri og hefur þá ekki tekið út allt fæðingarorlofið sitt.  Þá færist sá réttur sem hinn látni hefur ekki þegar nýtt sér yfir til eftirlifandi foreldris.

Barn fætt eftir 1. júní 2008:

• Ef annað foreldranna andast áður en barn nær 18 mánaða aldri og hefur þá ekki tekið út allan fæðingarstyrkinn. Þá færist sá réttur sem hinn látni hefur ekki þegar nýtt sér yfir til eftirlifandi foreldris.
• Í þeim tilvikum er annað foreldrið andast á meðgöngu barns og barnið fæðist lifandi færist réttur þess látna yfir til eftirlifandi foreldris.
• Foreldri sem er ófært vegna sjúkdóms eða afleiðinga slyss eða afplánunar refsivistar um að annast barn sitt á fyrstu átján mánuðunum eftir fæðingu þess er heimilt að framselja rétt sinn til fæðingarstyrks sem það hefur ekki þegar nýtt sér til hins foreldrisins að hluta eða öllu leyti. Hið sama gildir um ættleiðingar eða töku barns í varanlegt fóstur.

Sameiginlegur réttur foreldra til greiðslna framlengist um þrjá mánuði fyrir hvert barn umfram eitt.

Sameiginlegur réttur er tveir mánuðir vegna fósturláts eftir 18 vikna meðgöngu.  Með umsókn þarf að fylgja læknisvottorð.  Foreldrar verða að vera gift eða skráðir í sambúð til þess að faðirinn eigi rétt.

Sameiginlegur réttur er þrír mánuðir vegna andvana fæðingar eftir 22 vikna meðgöngu.  Með umsókn þarf að fylgja læknisvottorð. Foreldrar verða að vera gift eða skráðir í sambúð til þess að faðirinn eigi rétt.

Heimilt er að framlengja rétt til greiðslna úr Fæðingarorlofssjóði til móður um allt að tvo mánuði vegna alvarlegra veikinda hennar sjálfrar sem eru í tenglum við fæðingu.  Miðað er við að veikindi móður megi rekja til  fæðingar sem valdi því að hún geti ekki annast barn sitt.

Þurfi barn að dveljast lengur en sjö daga á sjúkrahúsi vegna veikinda eða fyrirburafæðingar er heimilt að framlengja samanlagðan rétt foreldra til greiðslna úr Fæðingarorlofssjóði um þann dagafjölda.  Upphaf greiðslna miðast þá við fæðingardag barns og lok  við fyrstu heimkomu þess, að hámarki fjórum mánuðum síðar.

 Ef barn er alvarlega veikt og nánari umönnun foreldris er nauðsynleg er heimilt að framlengja sameiginlegan rétt foreldra til greiðslna úr Fæðingarorlofssjóði í allt að þrjá mánuði. (Getur bæst við fjóra mánuði vegna sjúkrahúsdvalar).

Við ættleiðingu eða töku barns í varanlegt fóstur er miðað við þann tíma þegar barnið kemur inn á heimilið. Ef barn er sótt erlendis er heimilt að hefja töku orlofs við upphaf ferðar.