Fæðingarorlofssjóður

Þeir sem fá greiddan fæðingarstyrk námsmanna greiða ekki í lífeyrissjóð og stéttarfélag.

Þeir sem fá greiddan fæðingarstyrk námsmanna hafa ekki möguleika á því að greiða í séreignarsjóð.

Ef þú hefur eitthvað verið að vinna síðustu 6 mánuði fyrir áætlaðan fæðingardag þá þarf að senda inn tilkynningu vinnuveitanda um tilhögun fæðingarorlofs eða starfslokavottorð ef þú ert hætt/ur að vinna.

Já það þarf að senda inn skattkort fyrir 20. þess mánaðar sem greiðsla fer fram.

Þegar greiðslum er lokið verður skattkortið sent til baka á skráð heimilisfang.

Nei, þeir sem eru að fá greiddan fæðingarstyrk geta ekki skipt greiðslunum.  Fæðingarstyrk verður að taka samfellt og það má ekki þiggja greiðslur frá öðrum á meðan maður fær greiddan fæðingarstyrk.

Í framhaldsskóla er 75% námsárangur 13 einingar á önn en í háskóla er 75% námsárangur 11 einingar eða 22 ects á önn.

Reglurnar eru þannig að þú verður að hafa náð 75% námsárangri 6 mánuði á síðustu 12 mánuðum fyrir áætlaðan fæðingardag.  Ef þú hefur einungis verið í skóla í eina önn þá þarftu að hafa verið á vinnumarkaði 6 mánuði samfellt áður en nám hófst.

Ef þú nærð ekki að vinna í 6 mánuði þá átt þú rétt á greiðslum sem námsmaður þ.e. ef þú hefur náð 75% námsframvindu 6 mánuði á síðustu 12 mánuðum fyrir áætlaðan fæðingardag barns.

Ef þú getur sýnt fram á að þú hafir verið í samskiptum við skólann áður en flutningur átti sér stað þá getur þú sótt um.

 Ef þú nærð fullnægjandi námsframvindu, sex mánuði af síðustu tólf mánuðum og hafir sannarlega flutt erlendis til að stunda nám átt þú rétt á fæðingarstyrk námsmanna.

Foreldri sem flytur lögheimili sitt erlendis tímabundið, vegna náms maka síns, á ekki rétt á fæðingarstyrk sem foreldri utan vinnumarkaðar.  Ef þú hins vegar átt lögheimili hér á landi við fæðingu barns og sýnir fram á E104 vottorð um búsetu í EES landi áður en barnið fæddist þá átt þú rétt á fæðingarstyrk lægri.

Umsókn þarf að skila inn til Vinnumálastofnunar eða til Fæðingarorlofssjóðs á Hvammstanga í síðasta lagi þremur vikum fyrir áætlaðan fæðingardag.

Barn fætt fyrir 1. júní 2008: Þið þurfið að senda inn gögn frá sýslumanninum um að þið farið með sameiginlega forsjá.

Barn fætt eftir 1. júní 2008: Ef þið eruð ekki skráð í sambúð þá þarf forsjárforeldri barns að veita samþykki sitt fyrir fæðingarstyrk forsjárlauss foreldris. Einnig þarf að berast faðernisviðurkenning eða samningur um sameiginlega forsjá sem gerður er hjá sýslumanni.

 Töku fæðingarstyrks má hefja í fæðingarmánuði barns eða seinna.

Upphæðir fæðingarorlofs og fæðingarstyrks

Nei, greiðslur verða að leggjast inn á reikning og kennitölu umsækjanda.

 Vottorð um áætlaðan fæðingardag er hægt að fá hjá ljósmóður.

Nei, allir launaseðlar eru sendir í heimabanka viðkomandi.

Móðir á rétt á þremur mánuðum og faðir á rétt á þremur mánuðum.  Auk þess eiga foreldrar sameiginlegan rétt, þ.e. þrír mánuðir til viðbótar sem annað foreldrið getur tekið í heild eða foreldrar skipt því með sér.

Réttur til fæðingarorlofs fellur niður er barnið nær 18 mánaða aldri.

 Hægt er að senda umsóknir og önnur gögn með pósti, tölvupósti eða faxi. Skattkort verður að berast með pósti þar sem við þurfum frumrit.

Barn fætt fyrir 1. júní 2008: Ef annað foreldranna andast áður en barn nær 18 mánaða aldri og hefur þá ekki tekið út allt fæðingarorlofið sitt þá færist sá réttur sem hinn látni hefur ekki þegar nýtt sér yfir til eftirlifandi foreldris.

Barn fætt eftir 1. júní 2008:

• Ef annað foreldranna andast áður en barn nær 18 mánaða aldri og hefur þá ekki tekið út allan fæðingarstyrkinn sinn þá færist sá réttur sem hinn látni hefur ekki þegar nýtt sér yfir til eftirlifandi foreldris.
• Í þeim tilvikum er annað foreldrið andast á meðgöngu barns og barnið fæðist lifandi færist réttur þess látna yfir til eftirlifandi foreldris.
• Foreldri sem er ófært vegna sjúkdóms eða afleiðinga slyss eða afplánunar refsivistar um að annast barn sitt á fyrstu átján mánuðunum eftir fæðingu þess er heimilt að framselja rétt sinn til fæðingarstyrks sem það hefur ekki þegar nýtt sér til hins foreldrisins að hluta eða öllu leyti. Hið sama gildir um ættleiðingu eða töku barns í varanlegt fóstur.

Sameiginlegur réttur foreldra til greiðslna framlengist um þrjá mánuði fyrir hvert barn umfram eitt.

Sameiginlegur réttur er tveir mánuðir vegna fósturláts eftir 18 vikna meðgöngu. Með umsókn þarf að fylgja læknisvottorð. Foreldrar þurfa að vera giftir eða skráðir í sambúð til að faðirinn eigi rétt.

Sameiginlegur réttur er þrír mánuðir vegna andvana fæðingar eftir 22 vikna meðgöngu.  Með umsókn þarf að fylgja læknisvottorð.  Foreldrar þurfa að vera giftir eða skráðir í sambúð til að faðirinn eigi rétt.

Nei, þær sem fá greiddan fæðingarstyrk eiga ekki rétt á lengingu vegna veikinda á meðgöngu.

Heimilt er að framlengja rétt til greiðslna úr Fæðingarorlofssjóði til móður um allt að tvo mánuði vegna alvarlegra veikinda hennar sjálfrar sem eru í tengslum við fæðingu.  Miðað er við að veikindi móður megi rekja til  fæðingar sem valdi því að hún geti ekki annast barn sitt.

Þurfi barn að dveljast lengur en sjö daga á sjúkrahúsi vegna veikinda eða fyrirburafæðingar er heimilt að framlengja samanlagðan rétt foreldra til greiðslna úr Fæðingarorlofssjóði um þann dagafjölda.  Upphaf greiðslna miðast þá við fæðingardag barns og lok  við fyrstu heimkomu þess, að hámarki fjórum mánuðum síðar.

Ef barn er alvarlega veikt og nánari umönnun foreldris er nauðsynleg er heimilt að framlengja sameiginlegan rétt til greiðslna úr Fæðingarorlofssjóði / fæðingarstyrks í allt að þrjá mánuði ef um er að ræða alvarlegan sjúkleika barns sem krefst nánari ummönnunar forleldris.

Við ættleiðingu eða töku barns í varanlegt fóstur er miðað við þann tíma þegar barnið kemur inn á heimilið en heimilt er að fæðingarorlofið hefjist við upphaf ferðar ef sækja þarf barn til annarra landa.