Fæðingarorlofssjóður

Fæðingarorlof - fæðingarstyrkur 

Samkvæmt lögum um fæðingar- og foreldraorlof fer félagsmálaráðherra með yfirstjórn Fæðingarorlofssjóðs. Vinnumálastofnun hefur umsjón með rekstri Fæðingarorlofssjóðs. Sjóðurinn annast greiðslur skv. lögum um fæðingar- og foreldraorlof nr. 95/2000, með síðari breytingum, til foreldra þegar um er að ræða:

• Fæðingu
• Frumættleiðingu barns yngra en 8 ára
• Töku barns yngra en 8 ára í varanlegt fóstur
• Fósturlát eftir 18 vikna meðgöngu
• Andavanafæðingu eftir 22ja vikna meðgöngu

Greiðslur úr Fæðingarorlofssjóði fara ekki saman með atvinnuleysisbótum og sjúkra-/slysadagpeningum skv. lögum um almannatryggingar. Heimilt er að þiggja styrk sem nemur allt að 20% af launafjárhæð aukalega á meðan á fæðingarorlofi stendur án þess að til skerðingar á fæðingarorlofi komi. Vakin er athygli á að ekki er heimilt að vinna komi á móti styrknum enda er honum ætlað að mæta þeirri skerðingu sem verður þegar foreldri leggur niður fulla vinnu en Fæðingarorlofssjóður greiðir 80% af meðaltali heildarlauna.