Fæðingarorlofssjóður

Fyrstu lög um ættleiðingarstyrki á Íslandi, sem jafnframt eru núgildandi lög, öðluðust gildi 1. janúar 2007 og taka þau til kjörforeldra barna sem ættleidd hafa verið eftir gildistöku laganna.

Vinnumálastofnun annast framkvæmd laga um ættleiðingarstyrki og reglugerðar sem sett hefur verið með stoð í lögunum. Í því felst að stofnunin skal veita allar upplýsingar um skilyrði ættleiðingarstyrkja og útreikning þeirra og önnur atriði sem máli kunna að skipta og veita umsækjendum nauðsynlegar leiðbeiningar og aðstoð við gerð og frágang umsókna. Þá skal stofnunin sjá til þess að nauðsynlegar upplýsingar um ættleiðingarstyrki séu aðgengilegar að minnsta kosti með rafrænum hætti á heimasíðu stofnunarinnar.

Í veftrénu hér til vinstri er að finna allar nauðsynlegar upplýsingar er varðar ættleiðingarstyrki.